Türkmenistanyň kubogy

 «Altyn Asyr» dördünji kubogyny gazandy

Türkmenistanyň futbol boýunça kubogyny almak ugrunda geçirilen final duşuşygynda "Altyn Asyr" bilen "Ahal" toparlary duşuşdy.

Bu duşuşyk 3:0 hasabynda ýurdumyzyň çempiony “Altyn Asyryň” peýdasyna tamamlandy. Paýtagtymyzyň toparyna ýeňiş getiren toplary Serdar Geldiýew, Mihail Titow hem-de ikinji ýarymda ätiýaçlyk oturgyjyndan meýdana giren Begençmyrat Myradow öz atlaryna ýazdyrdylar.

Ýazguly Hojageldiýewiň tälim berýän toparynyň taryhynda kubogy dördünji gezek asmana göterendigini ýatladýarys.

Türkmenistanyň Kubogy-2019

Final

 “Altyn Asyr” – “Ahal” – 3:0

Gollar: 12 Serdar Geldiýew -11 m.j.u, 31 Mihail Titow, 69 Begençmyrat Myradow (“Altyn Asyr”)

Duýduryşlar: 31 Mihail Titow, 43 Altymyrat Annadurdyýew, 59 Selim Nurmyradow (“Altyn Asyr”) – 73 Yhlas Saparmämmedow (“Ahal”)

Geçirilen ýeri: “Nusaý” stadiony (Aşgabat ş.)

Duşuşygyň emini: J.Jumamyradoww (Aşgabat ş.)

Kömekçi eminler: A.Begnazarow (Mary ş.), Ş.Hydyrow (Balkanabat ş.)

Ätiýaçdaky emin: A.Gurbanow (Aşgabat ş.)

Gözegçi emin: E.Ramazanow (Aşgabat ş.)

Tomaşaçy sany: 500

Türkmenistanyň Kubogy ugrundaky bäsleşik her ýyl geçirilip, oňa ýurdumyzyň futbol toparlary gatnaşýarlar. Türkmenistanyň Futbol federasiýasy tarapyndan geçirilýän bu bäsleşiň ýeňijisi geljek ýylda Türkmenistanyň futbol çempionatynyň ýeňijisi bilen Naýbaşy Kubogyna gatnaşmaga mümkinçilik alýar. Türkmenistanyň Kubogynyň göçme Kubokdygyny ýatladýarys.